കൊടുവള്ളി: ജില്ലാ കര്‍ഷക തൊഴിലാളി ഫെഡറേഷന്‍ (എസ്.ടി.യു) പ്രവര്‍ത്തക സംഗമം ഇന്ന് രാവിലെ ഒന്‍പത് മുതല്‍ മടവൂര്‍ ചക്കാലക്കല്‍ ഹയര്‍ സെക്കന്‍ഡണ്ടറി സ്‌കൂള്‍ ഓഡിറ്റോറിയത്തില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഉദ്ഘാടന സമ്മേളനം സംസ്ഥാന പ്രസിഡണ്ടന്റ അഹമ്മദ് കുട്ടി ഉണ്ണികുളം ഉദ്ഘാടനം ചെയ്യും. ജില്ലാ പ്രസിഡന്റണ്ട് യു. പോക്കര്‍ മുഖ്യപ്രഭാഷണം നിര്‍വഹിക്കും. തുടര്‍ന്ന് കര്‍ഷക തൊഴിലാളികള്‍ നേരിടുന്ന വെല്ലുവിളികള്‍ എന്ന വിഷയത്തില്‍ നടക്കുന്ന സെമിനാര്‍ യൂത്ത് ലീഗ് ജില്ലാ പ്രസിഡന്റണ്ട് സാജിദ് നടുവണ്ണൂര്‍ ഉദ്ഘാടനം ചെയ്യും. സമാപന സമ്മേളനം ജില്ലാ സെക്രട്ടറി അഡ്വ. വേളാട്ട് അഹമ്മദ് ഉദ്ഘാടനം ചെയ്യും. മോട്ടിവേഷന്‍ ക്ലാസിന് എം.എ സുഹൈല്‍ നേതൃത്വം നല്‍കും. വാര്‍ത്താസമ്മേളനത്തില്‍ ടി.പി.എം തങ്ങള്‍, അഡ്വ. വേളാട്ട് അഹമ്മദ്, കെ. കുഞ്ഞാമു, പി.സി മുഹമ്മദ്, എ.കെ മൂസക്കോയ പങ്കെടുത്തു.