കൊച്ചി: സാലറി ചലഞ്ചില്‍ സര്‍ക്കാര്‍ ഇറക്കിയ ഉത്തരവ് പ്രഥമദൃഷ്ട്യ തെറ്റെന്ന് ഹൈക്കോടതി. പ്രളയ ദുരിതാശ്വാസ പ്രവര്‍ത്തനത്തിന് സര്‍ക്കാര്‍ ജീവനക്കാര്‍ ഒരു മാസത്തെ വേതനം തരണമെന്ന് ആരെയും നിര്‍ബന്ധിക്കാന്‍ പാടില്ല. സാലറി ചലഞ്ചിന് വിസമ്മതം അറിയിക്കുന്നവരുടെ പേരു വിവരങ്ങള്‍ പരസ്യപ്പെടുത്തുന്നത് തെറ്റിദ്ധാരണയ്ക്ക് ഇടയാക്കും. അതിനാല്‍, തരുന്നവരുടെ പേരുവിവരങ്ങള്‍ പരസ്യമാക്കിയാല്‍ പോരെയെന്നും ഹൈക്കോടതി ചോദിച്ചു. സര്‍ക്കാര്‍ പുറത്തിറക്കിയ ഉത്തരവ് നിര്‍ബന്ധിത സ്വഭാവമുള്ളതാണെന്നും കോടതി നിരീക്ഷിച്ചു.

സാലറി ചലഞ്ച് ചോദ്യം ചെയ്ത് എന്‍.ജി.ഒ യൂണിയനുകള്‍ സമര്‍പ്പിച്ച ഹര്‍ജി പരിഗണിക്കുന്നതിനെയാണ് ഹൈക്കോടതി പരാമര്‍ശമുണ്ടായത്.