വെങ്ങപ്പള്ളി: ശംസുല്‍ ഉലമാ ഇസ്‌ലാമിക് അക്കാദമി റമളാന്‍ കാംപയിന്റെ ഭാഗമായി മഹല്ല് പര്യടനവും ലഘു ലേഖ വിതരണവും നടത്താന്‍ അക്കാദമി ഹാളില്‍ ചേര്‍ന്ന മേഖലാ ഭാരവാഹികളുടെ യോഗം തീരുമാനിച്ചു. റമളാന്‍ ആദ്യവാരത്തില്‍ നടക്കുന്ന പര്യടന പരിപാടിക്ക് മേഖലാ ഭാരവാഹികള്‍ നേതൃത്വം നല്‍കും.
തെരഞ്ഞെടുക്കപ്പെട്ട പള്ളികളില്‍ പ്രചാരണ പ്രഭാഷണങ്ങളും ലഘുലേഖ വിതരണവും നടത്താനും യോഗം തീരുമാനിച്ചു. യോഗം കെ.സി.കെ തങ്ങള്‍ ഉദ്ഘാടനം ചെയ്തു. ഇബ്‌റാഹിം ഫൈസി പേരാല്‍ അധ്യക്ഷനായി. ഒ.കെ മൂസ ഹാജി, യു കുഞ്ഞി മുഹമ്മദ്, അബ്ദുറഹ്മാന്‍ തലപ്പുഴ, കെ മോയിന്‍ ഹാജി, സൈനുല്‍ ആബിദ് ദാരിമി, കെ.പി മുഹമ്മദ്, നൂറുദ്ധീന്‍ ഫൈസി, സി കുഞ്ഞബ്ദുല്ല മൗലവി, ശിഹാബുദ്ധീന്‍ വാഫി, പി.കെ സിദ്ധീഖ്, അബ്ദുല്‍ ഗഫൂര്‍ വാഫി എന്നിവര്‍ സംസാരിച്ചു.
എ.കെ സുലൈമാന്‍ മൗലവി ചര്‍ച്ചക്ക് മറുപടി പറഞ്ഞു. ടി.കെ അബൂബക്കര്‍ മൗലവി സ്വാഗതവും കുഞ്ഞി മുഹമ്മദ് ദാരിമി നന്ദിയും പറഞ്ഞു.