ആലപ്പുഴ: കൃഷിവകുപ്പിലെ താല്‍ക്കാലിക നിയമനങ്ങളുമായി ബന്ധപ്പെട്ട് എംപ്ലോയ്‌മെന്റ് എക്്‌സ്‌ചേഞ്ചിനെ നോക്കുകുത്തിയാക്കി പിന്‍വാതില്‍ നിയമനങ്ങള്‍ക്ക് ശ്രമം നടക്കുന്നതായി യുവജനതാദള്‍ (യു) ജില്ലാ പ്രസിഡന്റ് അഡ്വ. പി.എസ്. അജ്മല്‍ ആരോപിച്ചു. പച്ചത്തേങ്ങ സംഭരണം തുടങ്ങിയ പദ്ധതികളില്‍ കൃഷിഭവനുകളിലും മറ്റും നടക്കുന്ന നിയമനങ്ങളിലാണ് രാഷ്ട്രീയ നേതൃത്വത്തിന്റെ സമ്മര്‍ദ്ദത്തോടെ എംപ്ലോയ്‌മെന്റ് എക്‌സ്‌ചേഞ്ചിനെ ഒഴിവാക്കി അനധികൃത നിയമനങ്ങള്‍ നടത്തുവാന്‍ ശ്രമം നടക്കുന്നത്. ഇതിനെതിരെ എംപ്ലോയ്‌മെന്റ് ഓഫീസര്‍ക്ക് പരാതി നല്‍കിയിട്ടുണ്ട്.