ചെറുപുഴ: ജനകീയ കൂട്ടായ്മയില്‍ ഹൈടെക്ക് ബസ് കാത്തിരിപ്പ് കേന്ദ്രം നിര്‍മിച്ച് ചുണ്ട നിവാസികള്‍. പഴയ ബസ് കാത്തിരിപ്പ് കേന്ദ്രം പൊളിച്ചാണ് പുതിയത് നിര്‍മിച്ചിരിക്കുന്നത്.
ടൈല്‍സ് ഇട്ട് മനോഹരമാക്കിയ കേന്ദ്രത്തില്‍ കുടിവെള്ള സൗകര്യം, ക്ലോക്ക്, റേഡിയോ, ലൈറ്റ് എന്നിവയുണ്ട്. സോളാര്‍ പാനലുകള്‍ ക്രമീകരിച്ചിട്ടുണ്ട്.
നാട്ടുകാരില്‍ നിന്നാണ് നിര്‍മാണത്തിനാവശ്യമായ തുക സ്വരൂ പിച്ചതാണ്. അടുത്തുതന്നെ ഉദ്ഘാടനം നടത്താനുള്ള തിരക്കിലാണ് നാട്ടുകാര്‍.