ഇരിട്ടി: വര്‍ക്ക്‌ഷോപ്പില്‍ അറ്റകുറ്റപ്പണി നടന്നുകൊണ്ടിരിക്കെ സ്‌കൂള്‍ ബസിനു തീപിടിച്ചു. തലനാരിഴയ്ക്കു വന്‍ദുരന്തമൊഴിവായി. ഇരിട്ടി കീഴൂര്‍ കുന്നില്‍ എം.ജി കോളജിനു സമീപം പ്രവര്‍ത്തിക്കുന്ന വി.എം മോട്ടോര്‍ വര്‍ക്ക് ഷോപ്പിലാണ് ഇന്നലെ രാവിലെ തീപിടിത്തമുണ്ടായത്. പ്രദേശത്തെ ഒരു ഇംഗ്ലിഷ് മീഡിയം സ്‌കൂള്‍ ബസാണ് കത്തിയത്. അറ്റകുറ്റപ്പണിക്കായി വര്‍ക്ക്‌ഷോപ്പിലെത്തിച്ച ബസിന്റെ തകരാര്‍ പരിഹരിക്കുന്നതിനായി തൊഴിലാളികള്‍ ശ്രമം നടത്തുന്നതിനിടെ ബാറ്ററിയില്‍ നിന്നു ഷോര്‍ട്ട്‌സര്‍ക്യൂട്ട് ഉണ്ടാവുകയും തീ ആളിപ്പടരുകയുമായിരുന്നു. തുടര്‍ന്ന് ഇരിട്ടിയില്‍ നിന്നു ഫയര്‍ഫോഴ്‌സെത്തിയാണ് തീ അണച്ചത്.