മാഞ്ചസ്റ്റര്‍: ഓസ്‌ട്രേലിയക്കെതിരെ ദക്ഷിണാഫ്രിക്കയ്ക്ക് 10 റണ്‍സ് ജയം. ഈ ലോകകപ്പിലെ അവസാന ലീഗ് മത്സരമായിരുന്നു ഇത്. കളിയില്‍ വിജയിച്ചെങ്കിലും സെമിസില്‍ യോഗ്യത നേടാത്തതിനാല്‍ ദക്ഷിണാഫ്രിക്കയ്ക്ക് ഇനി നാട്ടിലേക്ക് മടങ്ങാം. നേരത്തെ സെമിയുറപ്പിച്ച ഓസ്‌ട്രേലിയ പരാജയപ്പെട്ടെങ്കിലും അവര്‍ക്കത് വിഷയമാവില്ല.

ടോസ് നേടി ബാറ്റിങ് തിരഞ്ഞെടുത്ത ദക്ഷിണാഫ്രിക്ക നിശ്ചിത ഓവറില്‍ ആറു വിക്കറ്റ് നഷ്ടത്തില്‍ 325 റണ്‍സെടുത്തു. ദക്ഷിണാഫ്രിക്കക്കായി ഫാഫ് ഡുപ്ലസിസ് (94 പന്തില്‍ 100) , വാന്‍ ഡര്‍ ഡുസന്‍ (97 പന്തില്‍ 95), ഡി കോക്ക് (51 പന്തില്‍ 52) എന്നിവര്‍ മികച്ച രീതിയില്‍ ബാറ്റു വീശി.

മറുപടി ബാറ്റിങ്ങില്‍ ഓസ്‌ട്രേലിയക്കായി വാര്‍ണറും (117 പന്തില്‍ 122) അലെക്‌സ് കാരിയും (69 പന്തില്‍ 85) പൊരുതിയെങ്കിലും വിജയത്തിനു പോന്നതായിരുന്നില്ല അത്. 49.5 ഓവറില്‍ 315 റണ്‍സിന് ഓസ്‌ട്രേലിയ അടിയറവ് വെച്ചു.

അതേസമയം ഇന്നത്തെ മത്സരത്തില്‍ പരാജയപ്പെട്ടതോടെ രണ്ടാം സ്ഥാനത്തെത്തിയ ഓസ്‌ട്രേലിയ സെമിയില്‍
ഇംഗ്ലണ്ടിനെ നേരിടും. പോയിന്റ് പട്ടികയില്‍ ഒന്നാം സ്ഥാനക്കാരായ ഇന്ത്യക്ക് ന്യൂസിലന്‍ഡാണ് സെമിയില്‍ എതിരാളികള്‍.