കൊച്ചി: ചിത്രകലയിലെ ജനകീയ വക്താവ് എന്നറിയപ്പെട്ടിരുന്ന സോമനാഥ് ഹോറിന്റെ കലാ പ്രദര്‍ശനം 26 മുതല്‍ ജൂണ്‍ 22 വരെ എറണാകുളം ദര്‍ബാര്‍ഹാളില്‍ നടക്കുമെന്ന് കേരളാ ലളിതകലാ അക്കാദമി ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. മുന്‍ സാംസ്‌കാരിക മന്ത്രി എം.എ ബേബി പ്രദര്‍ശനം ഉദ്ഘാടനം ചെയ്യും. 26ന് വൈകിട്ട് ബെള്‍ ഗായകരായ മധുസൂദനന്‍, ജയന്തി എന്നിവരുടെ സംഗീത വിരുന്നുമുണ്ടാകും. ജൂണ്‍ രണ്ടിന് 'ഞാന്‍ കണ്ട സോമനാഥ് ' എന്നവിഷയത്തില്‍ ശില്‍പി കെ.എസ് രാധാകൃഷ്ണന്‍ പ്രഭാഷണം നടത്തും. ബംഗാള്‍ പട്ടിണിക്കാലത്തിന്റെ അടയാളങ്ങളാണ് ഹോറിന്റെ ചിത്രങ്ങളും ശില്‍പങ്ങളുമെന്ന് ലളിതകലാ അക്കാദമി ചെയര്‍മാന്‍ സത്യപാല്‍ പറഞ്ഞു. ലളിതകലാ അക്കാദമി സെക്രട്ടറി പൊന്ന്യഗ ചന്ദ്രനും വാര്‍ത്താസമ്മേളനത്തില്‍ പങ്കെടുത്തു.