ഒഴുകൂര്‍:  ക്രസന്റ് ഹയര്‍ സെക്കന്‍ഡറി സ്‌കൂളില്‍ എസ്.എസ്.എല്‍.സി പരീക്ഷയില്‍ ഉന്നത വിജയം നേടിയവര്‍ക്കുള്ള അവാര്‍ഡ്ദാനവും ഡിഫ്തീരിയ ബോധവത്കരണ ക്ലാസും മൊറയൂര്‍  പഞ്ചായത്ത് പ്രസിഡന്റ്  കെ.എം സലീം മാസ്റ്റര്‍ ഉദ്ഘാടനം ചെയ്തു.
പി.ടി.എ പ്രസിഡന്റ് എം.അബൂബക്കര്‍ ഹാജി അധ്യക്ഷനായി. അവാര്‍ഡ് ദാനം പഞ്ചായത്ത് പ്രസിഡന്റ് കെ.എം സലീം മാസ്റ്റര്‍, പ്രധാനാധ്യാപകന്‍ ഒ.പി സ്‌കറിയ, വാര്‍ഡ് മെമ്പര്‍ അബ്ദുല്‍ ഗഫൂര്‍ എന്ന കുഞ്ഞിപ്പ എന്നിവര്‍ നിര്‍വഹിച്ചു.
ബോധവത്കരണ ക്ലാസിന് മൊറയൂര്‍ ഹെല്‍ത്ത് ഇന്‍സ്‌പെക്ടര്‍ നേതൃത്വം നല്‍കി. കെ.വീരാന്‍ കുട്ടി മാസ്റ്റര്‍, വി.പി ശൗക്കത്ത് അലി മാസ്റ്റര്‍, പി.സി മജീദ് മാസ്റ്റര്‍ ,വി.ശാഹിദ് റിജാസ് മാസ്റ്റര്‍ സംസാരിച്ചു.