ദോഹ: ജിസിസി രാജ്യങ്ങള്‍ക്കിടയിലെ ഏറ്റവും ശക്തമായ രാജ്യങ്ങളില്‍ ഒന്നാണ് ഖത്തര്‍. കഴിഞ്ഞ രണ്ട് പതിറ്റാണ്ട് കാലംകൊണ്ട് ഖത്തര്‍ വളരെയധികം പുരോഗമിച്ചു. ഖത്തര്‍ അമീര്‍ തമീം ബിന്‍ ഹമദ് അല്‍താനിയുടെ നേതൃത്വത്തില്‍ ഗള്‍ഫ് രാജ്യങ്ങള്‍ക്കിടയില്‍ തന്നെ ഖത്തര്‍ വലിയ സ്ഥാനം കൈവരിച്ചിരുന്നു. 2022 ഫിഫ അന്താരാഷ്ട്ര ഫുട്‌ബോള്‍ ലോകകപ്പിന് ആതിഥേയത്വം വഹിച്ചതിലൂടെ ലോകരാജ്യങ്ങള്‍ക്കിടയില്‍ ഖത്തര്‍ വലിയ രീതിയിലുള്ള സ്വീകാര്യത നേടി എടുത്തിരുന്നു.

ഇക്കഴിഞ്ഞ മാസമാണ് ഖത്തര്‍ വിസ നിയമലംഘകര്‍ക്കുള്ള ഗ്രേസ് പീരിഡ് പ്രഖ്യാപിച്ചത്. ഖത്തറില്‍ അനധികൃതമായി താമസിക്കുന്ന വിസ നിയമലംഘനം നടത്തിയവര്‍ക്ക് രാജ്യം വിടുന്നതിനുള്ള ഗ്രേസ് പിരീഡ് ആണ് ഖത്തര്‍ പ്രഖ്യാപിച്ചത്. മൂന്ന് മാസമാണ് ഗ്രേസ് പിരീഡ് കാലാവധി. ഫെബ്രുവരി 9 ഞായറാഴ്ച മുതല്‍ മൂന്നു മാസത്തേക്കാണ് ഇത് പ്രഖ്യാപിച്ചത്.

അംഗീകൃത രേഖകള്‍ ഇല്ലാതെ ഖത്തറില്‍ താമസിക്കുന്നവര്‍ക്ക് വിസ പിരിയഡ് ഉപയോഗിക്കാവുന്നതാണ്. മേയ് ഒമ്പതിന് ഈ ഗ്രേസ് വിസ പിരീഡ് കാലാവധി കഴിയുന്നതാണ്. നിയമലംഘനം നടത്തിയവര്‍ക്ക് ഹമദ് ഇന്റര്‍നാഷണല്‍ വിമാനത്താവളത്തില്‍ നേരിട്ട് എത്തിയോ സല്‍വര്‍ റോഡിലെ സെര്‍ച്ച് ആന്‍ഡ് ഫോളോ അപ്പ് സംവിധാനം ഉപയോഗപ്പെടുത്തിയോ രാജ്യം വിടാനാകും. പ്രവൃത്തി ദിവസങ്ങളില്‍ ഉച്ചക്ക് ഒരു മണി മുതല്‍ രാത്രി 9 മണി വരെയാണ് സെര്‍ച്ച് ആന്‍ഡ് ഫോളോ അപ്പ് വിഭാഗം പ്രവര്‍ത്തിക്കുന്നത്.

Qatar Grace Period; How long can visa violators stay in Qatar?