തേഞ്ഞിപ്പലം: സമസ്ത കേരള ജംഇയ്യത്തുല്‍ മുഅല്ലിമീന്‍ അറുപതാം വാര്‍ഷികത്തിന്റെ സ്വാഗതസംഘം യോഗം ഇന്ന് രാവിലെ 10ന് ചേളാരി സമസ്ത ഓഡിറ്റോറിയത്തില്‍ നടക്കും.
മുഴുവന്‍ സ്വാഗതസംഘം അംഗങ്ങളും സബ് കമ്മിറ്റി അംഗങ്ങളും പങ്കെടുക്കണമെന്ന് ജനറല്‍ കണ്‍വീനര്‍ ഡോ. ബഹാഉദ്ദീന്‍ മുഹമ്മദ് നദ്‌വി അറിയിച്ചു.

പി. മുജീബ് റഹ്മാന്‍ ജമാഅത്തെ ഇസ്‌ലാമി അസിസ്റ്റന്റ് അമീര്‍
കോഴിക്കോട്: ജമാഅത്തെ ഇസ്‌ലാമി സംസ്ഥാന അസിസ്റ്റന്റ് അമീറായി പി. മുജീബ് റഹ്മാനെയും ജന. സെക്രട്ടറിയായി വി.ടി അബ്ദുല്ലക്കോയയെയും തെരഞ്ഞെടുത്തു. കോഴിക്കോട് ഹിറാ സെന്ററില്‍ ചേര്‍ന്ന സംസ്ഥാന കൂടിയാലോചനാ സമിതിയുടെ അഭിപ്രായം തേടിയ ശേഷം സംസ്ഥാന അമീര്‍ എം.ഐ അബ്ദുല്‍ അസീസാണ് ഭാരവാഹികളെ പ്രഖ്യാപിച്ചത്.