പള്ളിക്കര: കാസ്‌ക്ക് കല്ലിങ്കാല്‍ ഫായിക്കാ അക്കാദമി ഫ്‌ളഡ് ലിറ്റ് സ്റ്റേഡിയത്തില്‍ നടന്ന അഖിലേന്ത്യാ സെവന്‍സ് ഫുട്‌ബോള്‍ ടൂര്‍ണമെന്റില്‍ ഗോള്‍ഡന്‍ ഗ്രൂപ്പ് മാണിക്കോത്ത് ജേതാക്കളായി. ബേക്കല്‍ ഗോള്‍ഡ് ഹില്‍ ഹദ്ദാദിനെ എതിരില്ലാത്ത ഒരു ഗോളിനു തോല്‍പ്പിച്ചാണ് ഗോള്‍ഡന്‍ ഗ്രൂപ്പ് ജേതാക്കളായത്.
ഐ.എസ്.എല്‍ കേരളാ താരം മുഹമ്മദ് റാഫി മാന്‍ ഓഫ് ദ സീരീസ് ട്രോഫിയും ലൈബീരിയന്‍ ലോകകപ്പ് താരം കുംസന്‍ മാന്‍ ഓഫ് ദ മാച്ച് ട്രോഫിയും പ്രതീഷ് ഡിങ്കന്‍ മികച്ച ഗോള്‍കീപ്പര്‍ക്കുള്ള ട്രോഫിയും കരസ്ഥമാക്കി. വിജയികള്‍ക്കുള്ള ട്രോഫി തബാസ്‌ക്കോ ബഷീറും ടൂര്‍ണമെന്റ് കമ്മിറ്റി ചെയര്‍മാന്‍ എം.എ ലത്തീഫും സമ്മാനിച്ചു.
സന മാണിക്കോത്ത്, ഹക്കീം കുന്നില്‍ എന്നിവര്‍ കളിക്കാരുമായി പരിചയപ്പെട്ടു.