ന്യൂഡല്‍ഹി: കോടികളുടെ ക്രമക്കേട് നടന്നെന്ന പരാതിയില്‍ കേരള ക്രിക്കറ്റ് അസോസിയേഷനെതിരേ സി.ബി.ഐ അന്വേഷണം ആരംഭിച്ചു. കൊച്ചി കലൂര്‍ സ്‌റ്റേഡിയത്തില്‍ ഫ്‌ളഡ്‌ലൈറ്റ് സഥാപിച്ചതിലും ഇടക്കൊച്ചി സ്റ്റേഡിയത്തിന് സ്ഥലം അനുവദിച്ചതിലും ക്രമക്കേടുകളുണ്ടെന്നാണ് കെ.സി.എക്കെതിരേയുള്ള ആരോപണം.
കഴിഞ്ഞ പത്തു വര്‍ഷത്തിനിടയില്‍ കെ.സി.എയില്‍ നടന്ന ക്രമക്കേടുകളും പരാതികളും സി.ബി.ഐ അന്വേഷിക്കും. എന്നാല്‍ തങ്ങള്‍ക്കെതിരേയുള്ള പരാതിയില്‍ കഴമ്പില്ലെന്നും സി.ബി.ഐ ചോദ്യങ്ങള്‍ ചോദിക്കുക മാത്രമാണുണ്ടായതെന്നുമാണ് കെ.എസി.എയുടെ വാദം.