ജിദ്ദ: പ്രവാസ ജീവിതം അവസാനിപ്പിച്ച്  നാട്ടിലേക്ക് മടങ്ങുന്ന കെ എം സി സി ജിദ്ദ വഴിക്കടവ് പഞ്ചായത്ത് കമ്മറ്റി ജോയിന്റ് സെക്രട്ടറി  ജാഫർ മോയിക്കൽ, എക്സിക്യൂട്ടീവ് മെമ്പർ യൂസഫ് പയ്യാണി എന്നിവർക്ക്  ജിദ്ദ വഴിക്കടവ് കെ എം സി സി യാത്രയയപ്പും, തെരഞ്ഞെടുപ്പ് കൺവെൻഷനും സംഘടിപ്പിച്ചു. പരിപാടി കെഎംസിസി ജിദ്ദ നിലമ്പൂർ മണ്ഡലം ജനറൽ സെക്രട്ടറി സുബൈർ വട്ടോളി ഉദ്ഘാടനംചെയ്തു. 

    ബാപ്പു മരുത അധ്യക്ഷം വഹിച്ചു. യൂസഫ് പയ്യാണിക്ക്, ബാപ്പു മരുതയും ജാഫർ മോയ്‌ക്കലിന് ജനീഷ് ടി കെയും മൊമെന്റോ കൈമാറി. റാഫി പി, മാനു വഴിക്കടവ്, അൻവർ ബാപ്പു, കരീം മൊല്ലപ്പടി, ഷംജിത് എം, സിദീഖ് ടി, ഹർഷിൻ ടി കെ എന്നിവർ പ്രസംഗിച്ചു. ജാഫർ മോയിക്കൽ, യൂസഫ് പയ്യാണി എന്നിവർ മറുപടി പ്രസംഗം നടത്തി. ജെനീഷ് ടി കെ സ്വാഗതവും, സൽമാൻ കെ പി നന്ദിയും  പറഞ്ഞു.