ലണ്ടന്‍: ഇന്ത്യയിലെ കര്‍ഷക സമരത്തിന്റെ അലയൊലി ലണ്ടന്‍ തെരുവുകളിലും. ആയിരങ്ങളാണ് കഴിഞ്ഞ ദിവസം നടന്ന പ്രതിഷേധത്തില്‍ പങ്കെടുത്തത്. നിരവധി പേര്‍ ഇന്ത്യന്‍ എംബസിക്കു മുന്നില്‍ തടിച്ചു കൂടി. ട്രഫല്‍ സ്‌ക്വയര്‍ ഏരിയയില്‍ ഒരു സംഘം മാര്‍ച്ച് നടത്തി. ഞങ്ങള്‍ പഞ്ചാബിലെ കര്‍ഷകര്‍ക്കൊപ്പം എന്ന മുദ്രാവാക്യവുമായിട്ടായിരുന്നു മാര്‍ച്ച്. രാജ്യത്തെ കര്‍ഷകരെ വില്‍ക്കുന്നത് ഇന്ത്യ അവസാനിപ്പിക്കുക, കര്‍കര്‍ക്ക് നീതി വേണം തുടങ്ങിയ വാക്യങ്ങളെഴുതിയ പ്ലക്കാര്‍ഡുകളും കൊടികളും മറ്റുമേന്തിയായിരുന്നു മാര്‍ച്ച്.

അതേസമയം കൊവിഡ് നിയമം ലംഘിച്ചതിന് നിരവധി പ്രതിഷേധക്കാരെ പൊലിസ് കസ്റ്റഡിയിലെടുത്തിട്ടുണ്ട്.

രാജ്യത്തം കര്‍ഷക സമരം 11ാം ദിവസത്തിലെത്തിയിരിക്കുകയാണ്. നേരത്തെ കനേഡിയന്‍ പ്രധാനമന്ത്രി ജസ്റ്റിന്‍ ട്രൂഡോ സമരത്തെ പിന്തുണച്ച് രംഗത്തെത്തിയിരുന്നു.