ചെങ്ങന്നൂര്‍: പമ്പാ നദിയില്‍ ഒഴുക്കില്‍പ്പെട്ട വൃദ്ധയെ ഓട്ടോ ഡ്രൈവര്‍ രക്ഷപ്പെടുത്തി. കല്ലിശേരി പാലത്തിന് സമീപം മുണ്ടന്‍കാവ് ഇറപ്പുഴ കടവില്‍ ബുധനാഴ്ച ഉച്ചയ്ക്ക് 12.30 നായിരുന്നു സംഭവം.
പുലിയൂര്‍ തിങ്കളാമുറ്റം വേലത്താംപറമ്പില്‍ തങ്കമ്മ (85) ആണ് ഒഴുക്കില്‍പ്പെട്ടത്. സമീപത്തെ വീട്ടില്‍ ഓട്ടം വന്ന  പാണ്ടനാട് മുതവഴി സുഷമ ഭവനത്തില്‍ സുശീല്‍കുമാര്‍ വൃദ്ധ മുങ്ങിത്താഴുന്നത് കണ്ട് നദിയിലേക്ക് ചാടി വൃദ്ധയെ രക്ഷപ്പെടുത്തുകയായിരുന്നു.
വിവരം അറിയിച്ചതിനെ തുടര്‍ന്ന് ചെങ്ങന്നൂര്‍ പൊലിസെത്തി അവശയായ വൃദ്ധയെ ചെങ്ങന്നൂര്‍ ജില്ലാ ആശുപത്രിയില്‍ പ്രവേശിപ്പിച്ചു.
പ്രാഥമിക ചികിത്സ നല്‍കിയതിനുശേഷം പൊലിസ് വാഹനത്തില്‍ തിരികെ വീട്ടിലെത്തിച്ചു.