റിയാദ്: സമസ്ത ഇസ്‌ലാമിക് സെന്റർ അൽജൗഫ് സെൻട്രൽ കമ്മിറ്റി കലണ്ടർ പ്രകാശനവും മുദരിസീൻ ഫണ്ട് കൈമാറൽ ചടങ്ങും സംഘടിപ്പിച്ചു. സെൻട്രൽ കമ്മിറ്റി പ്രസിഡന്റ് ശറഫുദ്ധീൻ മൗലവി ആദ്യ കോപ്പി അബ്ദുൾ ഗഫൂർ പെരിന്തൽമണ്ണക്ക് നൽകിയാണ് കലണ്ടർ പ്രകാശനം ചെയ്‌തത്‌. സമസ്‌ത ആഹ്വാനപ്രകാരം സമസ്‌ത ഇസ്‌ലാമിക് സഊദി ദേശീയ കമ്മിറ്റി നടത്തുന്ന മുദരിസീൻ ഫണ്ട് നാഷണൽ കമ്മിറ്റിക്ക് വേണ്ടി ചെയർമാൻ മുഹമ്മദ് നജീബ് പട്ടർകടവ് ട്രഷറർ ബഷീർ കെ.വി എടപ്പാളിനും കൈമാറി.

    ചടങ്ങിൽ മുഹമ്മദ് നജീബ് പട്ടർകടവ്, ഹുസൈൻ ഫൈസി മേലാറ്റൂർ, ബഷീർ ദാരിമി വട്ടപ്പറമ്പ്, അബ്ദുൾ മജീദ് പെരിന്തൽമണ്ണ, ബഷീർ കെ.വി പാറപ്പുറം, മുഹമ്മദ് സി.പി മാങ്ങാട്ടൂർ, ഷംസുദ്ദീൻ മുക്കം എന്നിവർ സംബന്ധിച്ചു.