ന്യൂഡല്‍ഹി: വിവാദമായ കല്‍ക്കരിപ്പാടം അഴിമതിയുമായി ബന്ധപ്പെട്ട കേസില്‍ പ്രമുഖ വ്യവസായിയും കോണ്‍ഗ്രസ് മുന്‍ എം.പിയുമായ  നവീന്‍ ജിന്‍ഡാലിന്റെ ഉപദേശകന്‍ ആനന്ദ് ഗോയല്‍ ഉള്‍പെട അഞ്ചു പേര്‍ക്ക് സി.ബി.ഐ പ്രത്യേക കോടതി ജാമ്യം അനുവദിച്ചു.  ഗ്രീന്‍ ഇന്‍ഫ്ര വൈസ് പ്രസിഡന്റ് സിദ്ധാര്‍ഥ് മദ്ര, നിഹാര്‍ സ്റ്റോക്‌സ് ലിമിറ്റഡ് ഡയരക്ടര്‍ ബി.എസ്.എന്‍ സൂര്യനാരായണന്‍, കെ. ഇ ഇന്റര്‍നാഷനല്‍ ഫൈനാന്‍സ് ഓഫീസര്‍ രാജീവ് അഗര്‍വാള്‍, എക്‌സിക്യുട്ടീവ് വൈസ് ചെയര്‍മാന്‍ സുഷില്‍ കുമാര്‍ മാരോ എന്നിവര്‍ക്കാണ് ജാമ്യം ലഭിച്ചത്. തെളിവു നശിപ്പിക്കുകയോ സാക്ഷികള സ്വാധീനിക്കുകയോ ചെയ്യരുതെന്ന് കോടി കുറ്റാരോപിതരോട് ആവശ്യപ്പെട്ടു.

കേസ് ജൂലൈ പത്തിന് പരിഗണിക്കും.