കട്ടപ്പന: ദുബൈയില്‍ വാഹനാപകടത്തില്‍ മരിച്ച കട്ടപ്പന സ്വദേശി റോയി തോമസി(45)ന്റെ മൃതദേഹം നാട്ടിലെത്തിച്ചു.
മൃതദേഹം ഇന്ന് രാവിലെ ഒന്‍പതിന് സഹോദരന്‍ കെ.എം മത്തായിയുടെ വസതിയില്‍ പൊതുദര്‍ശനത്തിനുവയ്ക്കും. തുടര്‍ന്ന് ഉച്ചയ്ക്ക് 12 ന് കട്ടപ്പന സെന്റ് ജോര്‍ജ് യാക്കോബായ പള്ളിയില്‍ സംസ്‌കരിക്കും. കട്ടപ്പന കണിയാരകത്ത് പരേതനായ കെ.സി തോമസിന്റെ മകന്‍ റോയി കഴിഞ്ഞ ഞായറാഴ്ച രാത്രി ഇന്ത്യന്‍ സമയം 8.30 ഓടെയാണ് വാഹനാപകടത്തില്‍ മരിച്ചത്.
ജോലി സ്ഥലത്തു നിന്നു താമസ സ്ഥലത്തേക്ക് പോകുന്നതിനായി വാഹനം കാത്തു നില്‍ക്കുന്നതിനിടെ ലോഡുമായി വന്ന വാഹനം ഇടിക്കുകയായിരുന്നു. ദുബായ് കോമഡോര്‍ കമ്പനിയില്‍ സൂപ്പര്‍വൈസറായി ജോലി ചെയ്തുവരികയായിരുന്നു.