പറവൂര്‍: ആല്‍ഫാ സാന്ത്വന കണ്ണിയുടെ ആഭിമുഖ്യത്തില്‍ മുനമ്പം ബീച്ചിലേക്ക് സാന്ത്വന യാത്ര നടത്തി. സാന്ത്വന കണ്ണിയുടെ പരിചരണത്തില്‍ കഴിയുന്ന കാന്‍സര്‍ ബാധിതരും ഭിന്നശേഷി ക്കാരുമുള്‍പ്പെടെയുള്ളവരാണ് പങ്കാളികളായത്. നാല് ചുമരുകള്‍ക്കപ്പുറമുള്ള ലോകമന്യമെന്നു കരുതിയിരുന്നവരും ഫിസിയോ തൊറാപ്പി സെന്ററിലെത്തുന്നവരും കുടുംബാംഗങ്ങളും ആല്‍ഫാ സാന്ത്വനക്കണ്ണിയിലെ മെഡിക്കല്‍ ടീമുകളും വളണ്ടിയര്‍മാരും നേതൃത്വം നല്‍കി. സാന്ത്വന യാത്ര പൊലിസ് സബ് ഇന്‍സ്‌പെക്റ്റര്‍ അമല്‍ ഫ്‌ളാഗ് ഓഫ് ചെയ്തു. മുനമ്പം ബീച്ചിലെത്തിയ യാത്രയെ പറവൂര്‍ ബ്ലോക്ക് പഞ്ചായത്ത് പ്രസിഡന്റ് യേശുദാസ് പറപ്പിള്ളി, പള്ളിപ്പുറം പഞ്ചായത്ത് പ്രസിഡന്റ് പി കെ രാധാകൃഷ്ണന്‍, ഡോ. എന്‍ പി കുറുപ്പ്, സുരേഷ് ശ്രീധര്‍, ജനപ്രതിനിധികളും സാന്ത്വന യാത്രക്കാരുമായി സംവാദം നടത്തി.