HOME
DETAILS

കൃഷി സംരക്ഷണത്തിന് പ്രത്യേക പാക്കേജ് പ്രഖ്യാപിക്കണം: കര്‍ഷകക്കൂട്ടായ്മ

  
backup
October 01 2018 | 00:10 AM

%e0%b4%95%e0%b5%83%e0%b4%b7%e0%b4%bf-%e0%b4%b8%e0%b4%82%e0%b4%b0%e0%b4%95%e0%b5%8d%e0%b4%b7%e0%b4%a3%e0%b4%a4%e0%b5%8d%e0%b4%a4%e0%b4%bf%e0%b4%a8%e0%b5%8d-%e0%b4%aa%e0%b5%8d%e0%b4%b0%e0%b4%a4%e0%b5%8d

കല്‍പ്പറ്റ: പ്രകൃതിക്ഷോഭത്തില്‍ ഗുരുതര തകര്‍ച്ച നേരിട്ട വയനാടന്‍ കാര്‍ഷിക മേഖലയുടെ സംരക്ഷണത്തിന് സംസ്ഥാന സര്‍ക്കാര്‍ പ്രത്യേക പാക്കേജ് പ്രഖ്യാപിക്കണമെന്ന് സൗത്ത് ഇന്ത്യന്‍ കോഫി ഗ്രോവേഴ്‌സ് അസോസിയേഷന്റെ നേതൃത്വത്തില്‍ എം.ജി.ടി ഓഡിറ്റോറിയത്തില്‍ സംഘടിപ്പിച്ച കര്‍ഷകക്കൂട്ടായ്മ ആവശ്യപ്പെട്ടു.
കര്‍ഷകരുടെ അഞ്ചു ലക്ഷം രൂപ വരെയുള്ള വായ്പകള്‍ എഴുതിത്തള്ളുക, പലിശരഹിത വായ്പ അനുവദിക്കുക തുടങ്ങിയ ആവശ്യങ്ങളും ഉന്നയിച്ചു. കനത്ത മഴയിലും വെള്ളപ്പൊക്കത്തിലും കാപ്പി, കുരുമുളക്, കമുക്, തേയില, റബര്‍, നെല്ല്, ഇഞ്ചി, വാഴ, കപ്പ തുടങ്ങിയ വിളകള്‍ക്കും വലിയ തോതില്‍ നാശമുണ്ടായി. കൃഷി വകുപ്പ് അവസരത്തിനൊത്ത് ഉയര്‍ന്നുപ്രവര്‍ത്തിക്കുന്നില്ല. ആത്മവിശ്വാസം നഷ്ടപ്പെട്ട നിലയിലാണ് കര്‍ഷകര്‍. ഇതിനുദാഹരണമാണ് അടുത്തകാലത്തുണ്ടായ കര്‍ഷക ആത്മഹത്യകളെന്നു കൂട്ടായ്മ വിലയിരുത്തി. അസോസിയേഷന്‍ പ്രസിഡന്റ് കെ.ജെ ദേവസ്യ ഉദ്ഘാടനം ചെയ്തു. കര്‍ഷക ജനത സംസ്ഥാന സെക്രട്ടറി എന്‍.ഒ ദേവസി അധ്യക്ഷനായി. അഡ്വ. ജോഷി സിറിയക്ക് മുഖ്യപ്രഭാഷണവും അഡ്വ. ഖാലിദ്‌രാജ പ്രമേയാവതരണവും നടത്തി. ടി.എസ് ജോര്‍ജ്, കെ.കെ രവി, ജോസഫ് മാണിശേരി, പി. അബ്ദുല്‍സലാം, ജോസഫ് കളപ്പുര, ജോസഫ് അറക്കല്‍, രാജന്‍ നായര്‍ കോട്ടത്തറ, വി. ശശിധരന്‍, പി.കെ ഹസന്‍, വി. ജോണ്‍ ജോര്‍ജ്, കെ.വി സണ്ണി, കെ.കെ ബേബി, ഐ.സി ചാക്കോ, ഇ.ഡി ഗോപാലകൃഷ്ണന്‍, ഡെന്നി മാത്യൂ, എ.വി മത്തായി, ഐ.സി ചാക്കോ, മരവയല്‍ മോഹനന്‍, സെബാസ്റ്റ്യന്‍ ചാമക്കാല, ടിജി ചെറുതോട്ടില്‍, കെ.എ വര്‍ഗീസ്, എം. രാധാകൃഷ്ണന്‍, ഏബ്രഹാം മേലോത്ത് സംസാരിച്ചു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."