തിരുവനന്തപുരം: യൂനിവേഴ്‌സിറ്റി കോളജിലെ അക്രമവുമായി ബന്ധപ്പെട്ട് എസ്.എഫ്.ഐക്കെതിരേ രൂക്ഷ വിമര്‍ശനവുമായി സി.പി.എം പൊളിറ്റ്ബ്യൂറോ അംഗം എം.എ ബേബി.
സ്വാതന്ത്ര്യം, ജനാധിപത്യം, സോഷ്യലിസം എന്ന മുദ്രാവാക്യത്തിന്റെ അര്‍ഥം അറിയുന്നവര്‍ സംഘടനയുടെ നേതൃത്വത്തില്‍ വരണമെന്ന് അദ്ദേഹം പറഞ്ഞു. യൂനിവേഴ്‌സിറ്റി കോളജില്‍ മറ്റു സംഘടനകളെ പ്രവര്‍ത്തിക്കാന്‍ അനുവദിക്കില്ലെന്നത് എസ്.എഫ്.ഐയുടെ മുട്ടാളത്തമാണ്.
സംഘടനക്ക് നാണക്കേടുണ്ടാക്കുന്ന ഇത്തരം പ്രവര്‍ത്തനങ്ങള്‍ക്കെതിരേ തുടര്‍നടപടി വേണമെന്നും അദ്ദേഹം പറഞ്ഞു.