കൊളംബോ: ശ്രീലങ്കയില്‍ കനത്ത മഴയെ തുടര്‍ന്നുണ്ടായ വെള്ളപ്പൊക്കത്തിലും മണ്ണിടിച്ചിലിലും 23 പേര്‍ മരിച്ചു. 50ലേറെ ആളുകളെ കാണാതായി. പതിനൊന്ന് മൃതദേഹങ്ങള്‍ കണ്ടെടുത്തതായി ഔദ്യോഗിക വൃത്തങ്ങള്‍ അറിയിച്ചു.  

കാണാതായവര്‍ക്കു വേണ്ടിയുള്ള തെരച്ചില്‍ സര്‍ക്കാര്‍ ശക്തമാക്കി. വെള്ളിയാഴ്ചയാണ് മണ്ണിടിച്ചില്‍ ഉണ്ടായത്.

രക്ഷാപ്രവര്‍ത്തനം പുരോഗമിച്ചു വരുകയാണെന്നും പ്രദേശത്ത് ജലനിരപ്പ് ക്രമാതീതമായി ഉയര്‍ന്നതിനെ തുടര്‍ന്നു ഹെലികോപ്ടര്‍ മാര്‍ഗം ആളുകളെ സുരക്ഷിത സ്ഥാനങ്ങളിലേക്ക് മാറ്റുകയാണെന്നും അധികൃതര്‍ അറിയിച്ചു.

മണ്ണിടിച്ചിലിനെ തുടര്‍ന്നു പ്രദേശത്തെ റെയില്‍, റോഡു ഗതാഗതം തടസപ്പെട്ടു. ശക്തമായ മഴയെ തുടര്‍ന്നു സ്‌കൂളുകള്‍ അടച്ചതായും അധികൃതര്‍ അറിയിച്ചു.