കരൂപ്പടന്ന : വലിയ്യുല്ലാഹി അന്ത്രുപ്പാപ്പ സ്മാരക ഹിഫ്‌ളുല്‍ ഖുര്‍ആന്‍ കോളജ് കമ്മിറ്റി ഹാജി മസ്ജിദില്‍ മജ്‌ലിസുന്നൂര്‍ സംഗമത്തില്‍ കോളജിന്റെ രക്ഷാധികാരിയായിരുന്ന എസ്.എം.കെ തങ്ങള്‍ അനുസ്മരണം നടത്തി.
പുത്തന്‍ചിറ കിഴക്കേ മഹല്ല് ഖത്വീബ് അബൂബക്കര്‍ ബാഖവി കോല്‍പാടം അനുസ്മരണ ആത്മീയ പ്രഭാഷണവും ദുആക്ക് നേതൃത്വവും നല്‍കി. വെള്ളാങ്കല്ലൂര്‍ മഹല്ല് ഖത്വീബ് മുഹ്‌യുദ്ധീന്‍ ബാഖവി ആമുഖ ഭാഷണം നടത്തി. ഹാഫിള് ഹംസ മുസ് ലിയാര്‍, അലി വഹബി, കോളജ് സെക്രട്ടറി അബ്ദുന്നാസര്‍ ഫൈസി, എസ്.കെ.എസ്.എസ്.എഫ് വെള്ളാങ്കല്ലൂര്‍ മേഖലാ പ്രസിഡന്റ് എം.എ മുഹമ്മദ് നിസാര്‍, വൈസ് പ്രസിഡന്റ് മുസമ്മില്‍ റഹ്മാനി, സി.പി മുഹമ്മദ് ഫൈസി, ടി. മുഹമ്മദ് കുട്ടി മുസ്‌ലിയാര്‍, കോളജ് പ്രസിഡന്റ് സി.ഐ അബ്ദുല്‍ അസീസ് ഹാജി മജ്‌ലിസുന്നൂറിന് നേതൃത്വം നല്‍കി.
പുത്തന്‍ചിറ: കടലായി ശാഖ എസ്.വൈ.എസ്, എസ്.കെ.എസ്.എസ്.എഫ് സംയുക്താഭിമുഖ്യത്തില്‍ നടത്തിയ മജ്‌ലിസുന്നൂര്‍ സദസില്‍ വെള്ളാങ്ങല്ലൂര്‍ റെയ്ഞ്ച് ജംഇയ്യതുല്‍ മുഅല്ലിം പ്രസിഡന്റ് സി.പി മുഹമ്മദ് ഫൈസി തങ്ങള്‍ അനുസ്മരണം നടത്തി.
എസ്.വൈ.എസ് ശാഖാ പ്രസിഡന്റ് പി.ബി ഷാജഹാന്‍ മൗലവി അധ്യക്ഷനായി. സി.കെ സുഹൈല്‍, കെ.എം മുസ്തഫ, സി.എം ഷെഫീര്‍ അലിയാര്‍, കുഞ്ഞുമുഹമ്മദ്, സി.യു ഇസ്മായില്‍ സംസാരിച്ചു.