തിരുവനന്തപുരം: അന്തരിച്ച സംഗീതജ്ഞന്‍ ബാലഭാസ്‌കറിന്റെ മൃതദേഹം ഇന്ന് സംസ്‌കരിക്കും. പൂര്‍ണ ഔദ്യോഗിക ബഹുമതികളോടെ രാവിലെ 11.30ന് തൈക്കാട് ശാന്തികവാടത്തിലാണ് സംസ്‌കാരം. കഴിഞ്ഞ മാസം 25നാണ് അപകടത്തില്‍പ്പെട്ട് ഗുരുതര പരുക്കുകളോടെ ബാലഭാസ്‌കറിനെയും കുടുംബത്തെയും ആശുപത്രില്‍ പ്രവേശിപ്പിച്ചത്. ഗുരുതര പരുക്കേറ്റ മകള്‍ തേജസ്വിനി (രണ്ടു വയസ്) അപകട ദിവസം തന്നെ മരിച്ചിരുന്നു. പിന്നീട് ഇന്നലെ വരെ വെന്റിലേറ്ററിന്റെ സഹായത്തോടെയായിരുന്നു ബാലഭാസ്‌കറിന്റെ ജീവന്‍ നിലനിര്‍ത്തിയിരുന്നത്. ചൊവ്വാഴ്ച പുലര്‍ച്ചെയോടെയായിരുന്നു അന്ത്യം.

ഇന്ന് രാവിലെ 11ഓടെ പൂജാപ്പുര തിരുമല വീട്ടില്‍ നിന്നും മൃതദേഹം തൈക്കാട് ശാന്തികാവടത്തിലേക്ക് വിലപയാത്രയായി കൊണ്ടുവരും. അപകടത്തില്‍ പരുക്കേറ്റ ഡ്രൈവറും ഭാര്യയും ആശുപത്രിയില്‍ ഇപ്പോഴും ചികിത്സയിലാണ്.