കോട്ടയം: അസോസിയേഷന്‍ ഓഫ് അഗ്രികള്‍ച്ചറല്‍ ഓഫിസേഴ്‌സ് കേരളയുടെ മുപ്പത്തിയെട്ടാം സംസ്ഥാന സമ്മേളനം ഇന്നും നാളെയും കോട്ടയത്തു നടക്കും. സി.എസ്.ഐ റിട്രീറ്റ് സെന്ററില്‍ നടക്കുന്ന സമ്മേളനത്തോട് അനുബന്ധിച്ച് ഇന്ന് കോട്ടയം പ്രസ്‌ക്ലബിന്റെ നേതൃത്വത്തില്‍ കാര്‍ഷിക സെമിനാര്‍ നടത്തും. സുരക്ഷിത ഭക്ഷ്യ ഉത്പാദനവും ജൈവകൃഷി സാധ്യതയും എന്ന വിഷയത്തിലാണ് സെമിനാര്‍. കാര്‍ഷിക സെമിനാര്‍ എ. അജിത് കുമാര്‍ ഉദ്ഘാടനം ചെയ്യും. തുടര്‍ന്നു സംസ്ഥാന കൗണ്‍സിലും കുടുംബ സംഗമവും നടത്തുമെന്നു ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. നാളെ നടക്കുന്ന പൊതു സമ്മേളനം മന്ത്രി വി.എസ് സുനില്‍ കുമാര്‍ ഉദ്ഘാടനം ചെയ്യും.