ന്യൂഡല്‍ഹി: സര്‍വ്വകാല റെക്കോര്‍ഡും ഭേദിച്ച് രൂപ ഇടിഞ്ഞുതാണു. യു.എസ് ഡോളറിനെതിരെ രൂപയുടെ മൂല്യം 73.34 ലേക്ക് ഇടിഞ്ഞു. 43 പൈസയുടെ നഷ്ടമാണ് ഇന്നുണ്ടായത്.

1. ആഗോള ക്രൂഡ് ഓയില്‍ വിലയിലുണ്ടായ കുത്തനെയുള്ള കയറ്റമാണ് മൂല്യമിടിഞ്ഞതിന്റെ പ്രധാനകാരണം. ഇറക്കുമതിക്കാര്‍ക്ക് അമേരിക്കന്‍ ഡോളറിന്റെ ആവശ്യം കൂടിയതും മൂലധനത്തിന്റെ നിലയ്ക്കാത്ത പ്രവാഹവും രൂപയെ ബാധിച്ചു.
2. ഇറാന്‍ പെട്രോളിയം വ്യവസായത്തിനെതിരെ അടുത്ത മാസം മുതല്‍ യു.എസ് ഏര്‍പ്പെടുത്തുന്ന ഉപരോധം, യു.എസ് എണ്ണവിപണിയിലുണ്ടായ ഉയര്‍ച്ച, ബ്രെന്റ്, ഡബ്ല്യു.ടി.ഐ (വെസ്റ്റ് ടെക്‌സാസ് ഇന്റര്‍മീഡിയറ്റ്) ക്രൂഡ് ഓയിലുകളുടെ വില വര്‍ധന എന്നിവയും വിപണിയില്‍ കോട്ടമുണ്ടാക്കി. ഇത് ഇനിയും തുടരുമെന്നു തന്നെയാണ് സൂചന.
3. വിദേശ സ്ഥാപന നിക്ഷേപകരുടെ വലിയ തോതിലുള്ള ഷെയര്‍ വിറ്റഴിക്കലും മറ്റൊരു കാരണമായി. തിങ്കളാഴ്ച മാത്രം 1,842 കോടി രൂപയുടെ ഷെയറാണ് വിറ്റഴിച്ചത്.
4. രൂപയുടെ നിരന്തര വീഴ്ചയ്‌ക്കെതിരെ കാര്യമായ നടപടിയൊന്നും കേന്ദ്രസര്‍ക്കാരോ ആര്‍.ബി.ഐയോ ഇതുവരെ സ്വീകരിച്ചിട്ടില്ല. ബാഹ്യഘടകങ്ങളാണ് കാരണങ്ങളെന്നാണ് കേന്ദ്രത്തിന്റെ നിലപാട്.
5. അതിനിടെ, ഒക്ടോബറില്‍ നാണ്യവിപണിയിലേക്ക് 36,000 കോടി രൂപ ഇറക്കുമെന്ന് ആര്‍.ബി.ഐ പ്രഖ്യാപിച്ചിരുന്നു. സര്‍ക്കാര്‍ ബോണ്ടുകള്‍ തിരിച്ചുവാങ്ങുമെന്നും പ്രഖ്യാപനമുണ്ടായിരുന്നു.