ചെറുവത്തൂര്‍: കാനഡയിലെ ഗിറൗക്‌സിനു കുട്ടികള്‍ക്കൊപ്പമുള്ള ഒത്തുചേരല്‍ സമ്മാനിച്ചത് വേറിട്ട
അനുഭവം. കാടങ്കോട് ഗവ. ഫിഷറിസ് ഹയര്‍സെക്കന്‍ഡറി സ്‌കൂള്‍ ഹൗസ് കീപ്പിങ്ങ് സൂപ്പര്‍വൈസ് സ്‌കില്‍ കോഴ്‌സ് വിദ്യാര്‍ഥികളാണ് ഇദ്ദേഹവുമായി സംവദിച്ചത്. അഡിഷണല്‍ സ്‌കില്‍ അക്വിസിഷന്‍ പ്രോഗ്രാമാണ് (അസാപ്) പരിപാടി സംഘടിപ്പിച്ചത്.
കാനഡയിലെ മോര്‍ലിസ് യൂനിവേഴ്‌സിറ്റിയില്‍ നിന്ന് ആദിവാസി വിഭാഗങ്ങളുടെ തെയ്യം എന്ന വിഷയത്തില്‍ ഗവേഷണം നടത്തുന്നതിനായാണ് ഇദ്ദേഹം കേരളത്തില്‍ എത്തിയത്. ഇംഗ്ലീഷ് ഭാഷയുടെ ആഗോള പ്രാധാന്യത്തെ കുറിച്ചും അക്കാദമിക പഠനത്തോടൊപ്പം നൈപുണി വികാസത്തിന്റെ പ്രസക്തിയെ കുറിച്ചും കുട്ടികളുമായി ഇദ്ദേഹം സംവദിച്ചു. ഇംഗ്ലീഷിലുള്ള ആശയ വിനിയമത്തിനുള്ള അവസരം ലഭിച്ചത് കുട്ടികളില്‍ ആത്മവിശ്വാസം വളര്‍ത്തി. അസാപ് പ്രോഗ്രാം മാനേജര്‍ വിപിന്‍ദാസ് പള്ളിയത്ത്, രാജേഷ്, ഷിജു കെ. നായര്‍ എന്നിവര്‍ സംസാരിച്ചു.