കൊല്ലം: പ്രതിസന്ധികളെ അതിജീവിച്ച് മുന്നേറാന്‍ വിദ്യാര്‍ഥികള്‍ തയാറാകണമെന്ന് എം നൗഷാദ് എം.എല്‍.എ അഭിപ്രായപ്പെട്ടു. ജില്ലാ ശിശുസംരക്ഷണ യൂനിറ്റും കേരള യൂത്ത് പ്രൊമോഷന്‍ കൗണ്‍സിലും സംയുക്തമായി ഗവ. ചില്‍ഡ്രന്‍സ് ഹോമുകളിലെ കുട്ടികള്‍ക്കായി സംഘടിപ്പിച്ച ത്രദിന ക്യാംപ് ഉദ്ഘാടനം ചെയ്യുകയായിരുന്നു അദ്ദേഹം.
ജില്ലാ ശിശു സംരക്ഷണ ഓഫിസര്‍ സിജു ബെന്‍ അധ്യക്ഷത വഹിച്ചു. കേരളാ യൂത്ത് പ്രൊമോഷന്‍ കൗണ്‍സില്‍ സംസ്ഥാന ചെയര്‍മാന്‍ സുമന്‍ജിത്ത് മിഷ ആമുഖ പ്രഭാഷണവും ജില്ലാ ചൈല്‍ഡ് വെല്‍ഫയര്‍ കമ്മിറ്റി ചെയര്‍പേഴ്‌സണ്‍ കോമളകുമാരി ടീച്ചര്‍ മുഖ്യപ്രഭാഷണവും നടത്തി. ഗവ. ചില്‍ഡ്രന്‍സ് ഹോം സൂപ്രണ്ട് ശ്രീകുമാര്‍, പ്രൊട്ടക്ഷന്‍ ഓഫീസര്‍ ദീപക് എസ്, ഇ.പി സുമന്‍ജിത്ത്, ബിജു മാവേലിക്കര, അനന്തകൃഷ്ണന്‍ പ്രസാദ്, ബെറ്റ്‌സണ്‍ വര്‍ഗ്ഗീസ്, സ്മിജിന്‍ ദത്ത്, ആര്‍ വിഷ്ണു പ്രസംഗിച്ചു.