ശ്രീനഗര്‍: പാക് സൈന്യം നടത്തിയ മോര്‍ട്ടാര്‍ ഷെല്‍ ആക്രമണത്തില്‍ ഒരാള്‍ മരിച്ചു. രജൗറി ജില്ലയിലെ പൂഞ്ചില്‍ അതിര്‍ത്തി ഗ്രാമത്തിനു നേരേയാണ് പാക് സൈന്യം ആക്രമണം നടത്തിയത്. മാന്‍കോട്ട് ഗ്രാമവാസിയായ സഫറുല്ലയാണ് മരിച്ചതെന്ന് പൊലിസ് അറിയിച്ചു. ഗ്രാമമുഖ്യനായിരുന്നു ഇയാള്‍. ഇന്നലെ രാവിലെ ഒന്‍പതോടുകൂടിയാണ് വെടിനിര്‍ത്തല്‍ കരാര്‍ ലംഘിച്ച് പാക് സൈന്യം ആക്രമണം നടത്തിയത്. ഇന്ത്യ ശക്തമായി തിരിച്ചടിച്ചതായി പ്രതിരോധ മന്ത്രാലയ വക്താവ് ലഫ്. കേണല്‍ ദേവേന്ദര്‍ ആനന്ദ് അറിയിച്ചു.