കൊല്ലം: പത്താംതരം തുല്യതാ കോഴ്‌സ്,ഹയര്‍ സെക്കന്ററി തുല്യതാ കോഴ്‌സ് എന്നിവയുടെ പഠിതാക്കള്‍ക്കായി പരീക്ഷയെ ആത്മവിശ്വാസത്തോടെ നേരിടുന്നതിന് കൗണ്‍സലിങ് ക്ലാസ് നടത്തും. ഇന്ന്  രാവിലെ 11 ന് കൊല്ലം ഗവ.ഗേള്‍സ് ഹയര്‍സെക്കന്ററി സ്‌കൂളില്‍ നടക്കുന്ന പരിപാടിയുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് എസ് ജഗദമ്മ നിര്‍വഹിക്കും. സാക്ഷരതാമിഷന്‍ ഡയറക്ടര്‍ ഡോ പി എസ് ശ്രീകല മുഖ്യപ്രഭാഷണം നടത്തും. ഡയറ്റ്, ഹയര്‍സെക്കന്ററി ഡയറക്ടറേറ്റ്, സഹായി എന്നിവയുടെ സഹകരണത്തോടെയാണ് ക്ലാസ് സംഘടിപ്പിക്കുന്നത്.