കറാച്ചി: പാകിസ്താനിലെ ദേരാ ഇസ്മാഈല്‍ ഖാനില്‍ ബോംബ്, ഗണ്‍ ആക്രമണം. നാലു പൊലിസുകാരും മൂന്ന് സാധാരണക്കാരും കൊല്ലപ്പെട്ടു. തുടര്‍ച്ചയായ സ്‌ഫോടനങ്ങളുണ്ടായതായാണ് റിപ്പോര്‍ട്ട്.

കൊല്ലപ്പെട്ടവരുടെ എണ്ണം കൂടാന്‍ സാധ്യതയുണ്ട്. 24 പേര്‍ക്ക് സംഭവത്തില്‍ പരുക്കേറ്റിട്ടുണ്ടെന്ന് ഡോണ്‍ ഓണ്‍ലൈന്‍ റിപ്പോര്‍ട്ട് ചെയ്തു.

നാലു മോട്ടോര്‍സൈക്കിളികളിലായി എത്തിയ ആയുധധാരികളാണ് വെടിയുതിര്‍ക്കുകയും സ്‌ഫോടനം നടത്തുകയും ചെയ്തത്. കോട്‌ല സയിദന്‍ ചെക്ക്‌പോസ്റ്റിലാണ് വെടിവയ്പ്പുണ്ടായത്. തുടര്‍ന്ന് പരുക്കേറ്റവരെ ആശുപത്രിയില്‍ എത്തിച്ചപ്പോള്‍ അവിടെ വച്ച് ചാവേര്‍ പൊട്ടിത്തെറിച്ചു.