കണ്ണൂര്‍: കോഴിക്കോട്ട് മാധ്യമ പ്രവര്‍ത്തകരെ പൊലിസ് അകാരണമായി അറസ്റ്റു ചെയ്തതില്‍ പ്രതിഷേധിച്ച് കണ്ണൂരില്‍ പത്രപ്രവര്‍ത്തക യൂനിയന്റെ നേതൃത്വത്തില്‍ മാര്‍ച്ച് നടത്തി. മാധ്യമങ്ങളുടെ വായമൂടിക്കെട്ടാമെന്നത് വ്യാമോഹമാണെന്നും അടിയന്തരാവസ്ഥ തിരിച്ചു കൊണ്ടുവരാന്‍ അനുവദിക്കില്ലെന്നും ഭാരവാഹികള്‍ പറഞ്ഞു. പ്രസ്‌ക്ലബ് പ്രസിഡന്റ് കെ.ടി ശശി, സെക്രട്ടറി എന്‍.പി.സി രംജിത്ത്, ട്രഷറര്‍ പ്രശാന്ത് പുത്തലത്ത്, എക്‌സിക്യൂട്ടീവ് കമ്മിറ്റി അംഗം കെ.എന്‍ ബാബു, ഒ.സി മോഹന്‍രാജ്, അഭിലാഷ് ജോണ്‍ സംസാരിച്ചു. പ്രസ് ക്ലബ് പരിസരത്തു നിന്നാരംഭിച്ച മാര്‍ച്ച് പഴയ ബസ്സ്റ്റാന്‍ഡ് പരിസരത്ത് സമാപിച്ചു.