വടകര: മാപ്പിളപ്പാട്ടുകള്‍ ജനകീയമാക്കുന്നതില്‍ നിസ്തുല സേവനം ചെയ്ത പി.ടി അബ്ദുറഹ്മാന്‍, കൃഷ്ണദാസ് വടകര, പി.സി ലിയാഖത്ത് എന്നിവരെ അനുസ്മരിക്കുന്നു. കേരള മാപ്പിള കലാ അക്കാദമി വടകര ചാപ്റ്ററാണ് ഓര്‍മച്ചെപ്പ് എന്ന പേരില്‍ വടകര ടൗണ്‍ ഹാളില്‍ പരിപാടി സംഘടിപ്പിക്കുന്നത്.
അനുസ്മരണ സംഗമവും ഇശല്‍ സന്ധ്യയും നടക്കും. സ്വാഗതസംഘം രൂപീകരണ യോഗം അക്കാദമി ജില്ലാ പ്രസിഡന്റ് എം.കെ അഷ്‌റഫ് വാണിമേല്‍ ഉദ്ഘാടനം ചെയ്തു. വി.പി.സി മൊയ്തു അധ്യക്ഷനായി. ഒ.കെ കുഞ്ഞബ്ദുല്ല, സൂപ്പി കുനിയില്‍, പി.സി നൗഷാദ്, റാഷിദ് പനോളി, ഹാരിസ് മുക്കാളി, നവാസ് കോറോത്ത്, കെ.കെ സിറാജ് , അഷ്‌റഫ് കോറോത്ത് സംസാരിച്ചു. വി.പി.സി മൊയ്തു ചെയര്‍മാനും നവാസ് കോറോത്ത് കണ്‍വീനറുമായി സ്വാഗതസംഘം രൂപീകരിച്ചു.