തൃശൂര്‍: വ്യാപാരം രാഷ്ട്ര പുരോഗതിക്ക്, യുവത്വം വ്യാപാര സംരക്ഷണത്തിന് എന്ന പ്രമേയത്തില്‍ കേരള വ്യാപാരി വ്യവസായി ഏകോപന സമിതി സംഘടിപ്പിക്കുന്ന യുവ വ്യാപാരി സംഗമവും ബ്ലൂ വളണ്ടിയര്‍ മാര്‍ച്ചും അടുത്ത മാസം നാലിന് ഉച്ചക്ക് രണ്ടിന് മണിക്ക് തൃശൂര്‍ തേക്കിന്‍കാട് മൈതാനിയില്‍ നടക്കുമെന്ന് ഭാരവാഹികള്‍ അറിയിച്ചു.
സ്വരാജ് റൗണ്ടില്‍ നിന്ന് ആരംഭിക്കുന്ന മാര്‍ച്ച് തെക്കേഗോപുരനടയില്‍ സമാപിക്കും. സംഗമം കേരള വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് ടി നസ്‌റുദ്ദീന്‍ ഉദ്ഘാടനം ചെയ്യും. വാര്‍ത്താ സമ്മേളനത്തില്‍ കെ ജെ ശ്രീജിത്ത്, പി കെ സമീര്‍, എം കെ അബി, എന്‍ ആര്‍ വിനോദ് കുമാര്‍ പങ്കെടുത്തു.