തിരുവനന്തപുരം: എല്‍.ഡി.എഫിലാണെന്ന് കരുതി തെറ്റുകളെല്ലാം അംഗീകരിക്കില്ലെന്ന് സി.പി.ഐ ജനറല്‍ സെക്രട്ടറി സുധാകര്‍ റെഡ്ഡി. ശരികള്‍ അംഗീകരിക്കുകയും തെറ്റുകള്‍ എതിര്‍ക്കുകയും ചെയ്യുന്നതാണ് സി.പി.ഐ നിലപാടെന്നും അദ്ദേഹം പറഞ്ഞു.

സി.പി.ഐ മന്ത്രിമാരുടെ ഭാഗത്തു നിന്ന് തെറ്റുകള്‍ കണ്ടാലും എതിര്‍ക്കുമെന്നും അദ്ദേഹം പറഞ്ഞു.

സി.പി.എമ്മുമായി നടക്കുന്നത് ഏറ്റുമുട്ടലല്ല. എല്‍.ഡി.എഫിനെ ശക്തിപ്പെടുത്തലാണ് സി.പി.ഐയുടെ ലക്ഷ്യം. കശാപ്പ് നിരോധനത്തിലൂടെ ആര്‍.എസ്.എസ് അജന്‍ഡയാണ് മോദി സര്‍ക്കാര്‍ നടപ്പിലാക്കുന്നത്. ബി.ജെ.പിക്കെതിരായ മുന്നണിയില്‍ യോജിക്കാന്‍ സി.പി.ഐ തയാറാണെന്നും സുധാകര്‍ റെഡ്ഡി പറഞ്ഞു.