തൃക്കരിപ്പൂര്‍: ശിഹാബ് തങ്ങള്‍ സ്മാരക ജനപ്രിയ ബസ് പുരസ്‌കാരം തൃക്കരിപ്പൂര്‍ പയ്യന്നൂര്‍ റൂട്ടില്‍ ബീരിച്ചേരി വഴി സര്‍വിസ് നടത്തുന്ന ആരോമലിന്. അബുദാബി കെ.എം.സി.സി സ്റ്റേറ്റ് ട്രഷറര്‍ സി സമീര്‍ പ്രഖ്യാപനം നടത്തി. നാളെ 10.30ന് ബീരിച്ചേരി വൈ.എം.സി.എ പരിസരത്തു നടക്കുന്ന ചടങ്ങില്‍ കാഞ്ഞങ്ങാട് ജോയിന്റ് ആര്‍.ടി.ഒ എ.സി ഷീബ പുരസ്‌കാരം സമര്‍പ്പിക്കും. ഫാഷന്‍ ഗോള്‍ഡ് ജനറല്‍ മാനേജര്‍ ടി.കെ സൈനുല്‍ ആബിദ് കാഷ് അവാര്‍ഡും ഗ്രാമപഞ്ചായത്ത് പ്രസിഡന്റ് വി.പി ഫൗസിയ പ്രശസ്തി പത്രവും കൈമാറും. പ്രഖ്യാപന ചടങ്ങില്‍ എം.എസ്.എഫ് ശാഖാ സെക്രട്ടറി വി.പി അസ്ഹര്‍,ട്രഷറര്‍ മഷൂദ്,വൈസ്  പ്രസിഡന്റ്  ഇജാസ് അഹമ്മദ്,ജില്ലാ കമ്മിറ്റി അംഗം മര്‍സൂഖ് റഹ്മാന്‍ സംബന്ധിച്ചു.