കൂടാളി: കൂടാളി ജുമാമസ്ജിദിനു സമീപം വീട്ടില്‍ കവര്‍ച്ച. ഒരുലക്ഷം രൂപ നഷ്ടപ്പെട്ടു. മുസീന മന്‍സിലില്‍ മൊയ്തീന്റെ വീട്ടിലാണ് കവര്‍ച്ച നടന്നത്. സെപ്റ്റംബര്‍ ഏഴിന് മൊയ്തീനും കുടുംബവും ഗള്‍ഫിലേക്കു പോയി ഇന്നലെ പുലര്‍ച്ചെ തിരിച്ചെത്തിയപ്പോഴാണ് വീടിന്റെ ഗ്രില്‍സിന്റെ പൂട്ടും വാതിലിന്റെ ലോക്കും മറ്റും തകര്‍ത്തത് ശ്രദ്ധയില്‍പെട്ടത്. പരിശോധനയിലാണ് വീട്ടില്‍ സൂക്ഷിച്ചിരുന്ന പണം നഷ്ടമായതറിഞ്ഞത്. സാധനങ്ങളും മറ്റും വാരിവലിച്ചിട്ട നിലയിലാണയിരുന്നു. മട്ടന്നൂര്‍ പൊലിസ് സ്ഥലത്തെത്തി പരിശോധന നടത്തി. കൂടാളി പഞ്ചായത്ത് പ്രസിഡന്റ് പി.പി നൗഫലും സ്ഥലം സന്ദര്‍ശിച്ചു.