പറക്കാട് : എസ്.വൈ.എസ് പട്ടാമ്പി മണ്ഡലം ഖുര്‍ആന്‍ സ്റ്റഡി സെന്ററിന്റെ ആഭിമുഖ്യത്തില്‍ വി.എം സ്വലാഹുദ്ധീന്‍ ഫൈസി വല്ലപ്പുഴയുടെ ഖുര്‍ആന്‍ പ്രഭാഷണം ഇന്ന് 7.30ന് പറക്കാട് പൂവ്വത്തുല്‍ ഇസ്‌ലാം മദ്‌റസയില്‍ നടക്കും. ആമയൂരില്‍ നടന്നുവരുന്ന പ്രതിമാസ ഖുര്‍ആന്‍ പ്രഭാഷണത്തിന്റെ പ്രചരണാര്‍ഥം സംഘടിപ്പിക്കുന്ന പരിപാടിയില്‍ സ്ഥലം ഖത്തീബ് മുസ്തഫ ഫൈസി പ്രാര്‍ഥനക്ക് നേതൃത്വം നല്‍കും.
എസ്.വൈ.എസ് മുതുതല പഞ്ചായത്ത് പ്രസിഡന്റ് സയ്യിദ് ശിഹാബുദ്ധീന്‍ തങ്ങള്‍ അധ്യക്ഷനാകും. എസ്.വൈ.എസ് മണ്ഡലം ജനറല്‍സെക്രട്ടറി സയ്യിദ് ഹസന്‍ സഖാഫ് തങ്ങള്‍ ഉദ്ഘാടനം ചെയ്യും. ജില്ലാ സെക്രട്ടറി എം.എം ബഷീര്‍ മാസ്റ്റര്‍ ആമുഖപ്രഭാഷണം നടത്തും. മണ്ഡലം പ്രസിഡന്റ് സയ്യിദ് അബ്ദുറഹിമാന്‍ ജിഫ്രി തങ്ങള്‍ സമാപന ദുആ മജ്‌ലിസിന് നേതൃത്വം നല്‍കും. മണ്ഡലം ട്രഷര്‍ മാനുഹാജി, പറക്കാട് മഹല്ല് പ്രസിഡന്റ് കുഞ്ഞാപ്പുട്ടി, രായിന്‍കുട്ടി, ഒ.എസ്.എഫ് പ്രസിഡന്റ് സി. മുസ്തഫ, ജനറല്‍ സെക്രട്ടറി നജീബ്, പറക്കാട് ശാഖാ എസ്.വൈ.എസ് പ്രസിഡന്റ് അബ്ദുല്‍ ബഷീര്‍, ദഅ്‌വ സെക്രട്ടറി പി.കെ റഫീഖ് പ്രംഗിക്കും. ഖുര്‍ആന്‍ സ്റ്റഡീ സെന്റര്‍ മണ്ഡലം ജനറല്‍ കണ്‍വീനര്‍ കെ. ആരിഫ് ഫൈസി സ്വാഗതവും, എസ്.വൈ.എസ് മുതുതല പഞ്ചായത്ത് ജനറല്‍ സെക്രട്ടറി ബഷീര്‍ കോഴിക്കോട്ടിരി നന്ദിയും പറയും.