രാജ്‌കോട്ട്: ഇന്ത്യക്കെതിരേ രാജ്‌കോട്ടില്‍ നടക്കുന്ന ടെസ്റ്റ് ക്രിക്കറ്റില്‍ ഇന്ത്യന്‍ ബൗളിങ്ങിന് മുന്നില്‍ വിന്‍ഡീസ് തകര്‍ന്നടിഞ്ഞു. 9 വിക്കറ്റിന് 649 നേടി ഡിക്ലയര്‍ ചെയ്ത ഇന്ത്യക്കെതിരേ രണ്ടാം ദിവസം കളി അവസാനിക്കുമ്പോള്‍ വെസ്റ്റിന്‍ഡീസ് 94 റണ്‍സിന് 6 വിക്കറ്റ് എന്ന നിലയിലാണ്. കീമോ പോള്‍(13*) റോസ്റ്റന്‍ ചേസ് (27*) എന്നിവരാണ് ക്രീസില്‍. കാര്‍ലോസ് ബ്രാത്ത്‌വൈറ്റ്(2) കിരണ്‍ പവല്‍(1) ഷെയ് ഹോപ്(10) ഹെത്മര്‍(10) ആംബ്രിസ്(12) ഡോവ്‌റിച്ച്(10) എന്നിവരാണ് പുറത്തായത്. ഇന്ത്യക്കായി മുഹമ്മദ് ഷമി രണ്ടണ്ടു വിക്കറ്റെടുത്തു. അശ്വിന്‍, ജഡേജ, കുല്‍ദീപ് യാദവ് എന്നിവര്‍ ഓരോ വിക്കറ്റ് വീതവും നേടി.
ആദ്യദിനം അരങ്ങേറ്റക്കാരന്‍ പൃഥ്വി ഷായുടെ (134) സെഞ്ചുറിയാണ് ഇന്ത്യക്കു കരുത്തായതെങ്കില്‍ രണ്ടണ്ടാംദിനം ക്യാപ്റ്റന്‍ വിരാട് കോഹ്‌ലിയും (139) രവീന്ദ്ര ജഡേജയും (100*) സെഞ്ച്വുറി നേടി. ജഡേജയുടെ കന്നി ടെസ്റ്റ് സെഞ്ച്വുറിയാണിത്. കരിയറിലെ 24ാമത് സെഞ്ച്വുറിയാണ് കോഹ്‌ലി നേടിയത്. 230 പന്തുകളില്‍ 10 ബൗണ്ടണ്ടറികളടങ്ങിയതായിരുന്നു കോഹ്‌ലിയുടെ ഇന്നിങ്‌സ്. 132 പന്തില്‍ അഞ്ചു വീതം ബൗണ്ടണ്ടറികളുടെയും സിക്‌സറുകളുടെയും അകമ്പടിയോടെയാണ് ജഡേജ സെഞ്ച്വുറി പൂര്‍ത്തിയാക്കിയത്. ബാറ്റിങ് നിരയുടെ മികച്ച പ്രകടനമാണ് ഇന്ത്യക്ക് മികച്ച സ്‌കോര്‍ കെട്ടിപ്പടുക്കുവാന്‍ സാധിച്ചത്. പൃഥ്വി നല്‍കിയ മികച്ച തുടക്കമാണ് ഇന്ത്യക്ക് സഹായകമായത്. ഇന്ത്യന്‍ ബാറ്റിങ് നിരയില്‍ രാഹുല്‍ മാത്രമാണ് പരാജയമായത്. മൂന്ന് പേര്‍ സെഞ്ച്വുറി നേടിയപ്പോള്‍ പന്തും പൂജാരയും സെഞ്ച്വുറിക്കടുത്ത് വീണു.
റിഷഭ് പന്താണ് (92) രണ്ടണ്ടാംദിനം ഇന്ത്യന്‍ നിരയില്‍ മികച്ച നിലയില്‍ ബാറ്റ് ചെയ്ത മറ്റൊരു താരം. ആര്‍. അശ്വിന്‍ (7), കുല്‍ദീപ് യാദവ് (12), ഉമേഷ് യാദവ് (22) എന്നിവരാണ് രണ്ടണ്ടാംദിനം പുറത്തായ മറ്റു താരങ്ങള്‍. ജഡേജയോടൊപ്പം രണ്ടണ്ടു റണ്‍സോടെ മുഹമ്മദ് ഷമി പുറത്താവാതെ നിന്നു. വിന്‍ഡീസിനു വേണ്ടണ്ടി ദേവേന്ദ്ര ബിഷു നാലു വിക്കറ്റെടുത്തപ്പോള്‍ ഷെര്‍മാന്‍ ലൂയിസ് രണ്ടണ്ടു വിക്കറ്റ് നേടി.