കൊല്ലം: മുണ്ടയ്ക്കല്‍ അഗതി മന്ദിരത്തോട് മേയര്‍ അയിത്തം കാണിക്കുകയാണെന്ന് ഡി സി സി പ്രസിഡന്റ് അഡ്വ. ബിന്ദുകൃഷ്ണ ആരോപിച്ചു. നിരവധിപേര്‍ കാരുണ്യത്തിന്റെ കൈകള്‍ അഗതി മന്ദിരത്തോട് കാട്ടുമ്പോഴും മേയര്‍ തീര്‍ത്തും അവഗണനയാണ് കാട്ടിയത്.
ഈ സ്ഥാപനത്തിന്റെ ഗവേണിങ് ബോഡിയുടെ ചെയര്‍മാന്‍ ആയിട്ടുപോലും ഇതുവരെയും അഗതി മന്ദിരത്തിലെത്താന്‍ മേയര്‍ തയാറാകാത്തത് മനുഷ്യത്വ രഹിതമാണ്. ബന്ധുക്കളാല്‍ ഉപേക്ഷിക്കപ്പെട്ട് ജീവിത സായാഹ്നത്തില്‍ പ്രതീക്ഷയുടെ നിറ കണ്ണുകളോടെ കാത്തിരിക്കുന്നവര്‍ക്ക് കൈത്താങ്ങാകാന്‍ കോര്‍പറേഷന്റെ കണ്ണ് തുറക്കാന്‍ കാത്തുനില്‍ക്കാതെ പൊതു സമൂഹം മുന്നോട്ട് വരുന്നത് സ്വാഗതാര്‍ഹമാണെന്നും ഡി.സി.സി പ്രസിഡന്റ് പറഞ്ഞു.