കേളകം:ആദിവാസികളെ ഉപയോഗിച്ച് മണലൂറ്റല്‍ വ്യാപകമാവുന്നു. പെരുന്താനത്ത് ബാവലി പുഴയില്‍ നിന്നും മണല്‍ കടത്താനുള്ള മണല്‍ മാഫിയയുടെ ശ്രമം പൊലിസ്തടഞ്ഞുകനത്ത മഴയെ തുടര്‍ന്ന് ബാവലി പുഴയിലടിഞ്ഞ മണല്‍ കടത്താനാണ് മണല്‍ മാഫിയ ശ്രമം ആരംഭിച്ചത്.
ഇതിനായി പതിവ് പോലെ ആദിവാസികളെ ഉപയോഗിച്ചാണ് മണല്‍ വാരല്‍ ശക്തമാക്കിയിരിക്കുന്നത് .പോലീസ് അധികാരികള്‍ മണല്‍ വാരുന്നവരെ പിടികൂടിയാല്‍ തന്നെ ആദിവാസികളാണ് എന്നതിനാല്‍ നിയമകുരുക്കില്‍ നിന്ന് എളുപ്പം രക്ഷപെടുമെന്ന ചിന്തയുമാണ് മണല്‍ മാഫിയ ആദിവാസികളെ ഇതിനായി ഉപയോഗിക്കാന്‍ മണല്‍ മാഫിയയെ പ്രേരിപ്പിക്കുന്നത്.
പെരുന്താനം കുടിവെള്ള പദ്ധതിക്ക് സമീപമാണ് ആദിവാസികളെ ഉപയോഗിച്ച് വന്‍ തോതില്‍ മണല്‍ വരുന്നത്. മണല്‍ വാരി തലച്ചുമടായി റോഡില്‍ എത്തിച്ച് വാഹനങ്ങളില്‍ കയറ്റിക്കൊണ്ടുപോവുകയാണ് ചെയ്യുന്നത് .ബാവലി പുഴയില്‍ നീരൊഴുക്ക് കുറഞ്ഞതോടെ പ്രദേശത്ത് മണല്‍ മാഫിയയുടെ പ്രവര്‍ത്തനം ശക്തമാണ്