രാജ്‌കോട്ട്: ഇന്ത്യന്‍ ബൗളര്‍ രവിചന്ദ്രന്‍ അശ്വിന്‍ വിക്കറ്റ് നേട്ടത്തില്‍ ദക്ഷിണാഫ്രിക്കന്‍ ബൗളറായിരുന്ന അലന്‍ ഡൊണാള്‍ഡിനെ പിറകിലാക്കി. ഇന്നലെ സമാപിച്ച ഇന്ത്യാ വിന്‍ഡീസ് ഒന്നാം ടെസ്റ്റില്‍ വിക്കറ്റ് നേടിയതോടെയാണ് അശ്വിന്‍ ഡൊണാള്‍ഡിനെ പിന്നിലാക്കിയത്. 328 വിക്കറ്റായിരുന്നു ഡൊണാള്‍ഡിന്റെ നേട്ടം.
331 വിക്കറ്റാണ് അശ്വിന്‍ സ്വന്തം പേരില്‍ കുറിച്ചത്. ആദ്യ ടെസ്റ്റില്‍ നാലു വിക്കറ്റുകളായിരുന്നു അശ്വിന്‍ പിഴുതത്. ഏറ്റവും കൂടുതല്‍ വിക്കറ്റ് നേട്ടമുള്ള പട്ടികയില്‍ 24മതെത്താനും അശ്വിന് കഴിഞ്ഞു.
അനില്‍ കുംബ്ലെ (619), കപില്‍ ദേവ് (434), ഹര്‍ഭജന്‍ സിങ് (417) എന്നിവര്‍ക്ക് പിന്നിലായി കൂടുതല്‍ വിക്കറ്റുള്ള നാലാമത്തെ ഇന്ത്യന്‍ ബൗളറാണ് അശ്വിന്‍.