ലണ്ടന്‍: ഇംഗ്ലണ്ടിനെതിരായ അവസാന ഏകദിനത്തില്‍ ദക്ഷിണാഫ്രിക്കയ്ക്ക് ആശ്വാസ ജയം. മൂന്ന് മത്സരങ്ങളുടെ പരമ്പര നേരത്തെ കൈവിട്ട ദക്ഷിണാഫ്രിക്ക ഏഴ് വിക്കറ്റിനാണ് വിജയിച്ചത്. ഇംഗ്ലണ്ടിനെ 31.1 ഓവറില്‍ 153 റണ്‍സില്‍ പുറത്താക്കിയ ദക്ഷിണാഫ്രിക്ക 28.5 ഓവറില്‍ 156 റണ്‍സെടുത്ത് വിജയിച്ചു. അംല (55) അര്‍ധ സെഞ്ച്വറി നേടി. നേരത്തെ നാല് വിക്കറ്റ് വീഴ്ത്തിയ റബാഡയും മൂന്ന് വീതം വിക്കറ്റുകളെടുത്ത പാര്‍നല്‍, മഹാരാജ് എന്നിവരുടെ ബൗളിങാണ് ഇംഗ്ലണ്ടിനെ തകര്‍ത്തത്.