ചേന്ദമംഗല്ലൂര്‍: പൊട്ടിപ്പൊളിഞ്ഞ കടാംപള്ളി-ഹൈസ്‌കൂള്‍ റോഡ് നന്നാക്കാത്തതില്‍പ്രദേശവാസികള്‍ റോഡില്‍ വാഴനട്ട് പ്രതിഷേധിച്ചു. പലതവണ അധികൃതരുമായി ബന്ധപ്പെട്ടിട്ടും യാതൊരു നടപടിയും ഉണ്ടാകാത്തതിനെ തുടര്‍ന്നാണ് നാട്ടുകാര്‍ വാഴനട്ട് പ്രതിഷേധിച്ചത്.
മുനിസിപ്പാലിറ്റി വൈസ് ചെയര്‍പേഴ്‌സന്റെ ഡിവിഷനില്‍പ്പെട്ട പ്രദേശമാണിത്. കെ.സി മുജീബ്, സലീം അന്‍സാരി, ടി.കെ സാജിദ്, ഇഹ്‌സാന്‍ ഷാനു, ഇഫ്തിഖാര്‍, വി.പി യാസീന്‍ നേതൃത്വം നല്‍കി. അതേസമയം 2015-16 വര്‍ഷത്തെ പദ്ധതി വിഹിതത്തില്‍ ടാറിങ് ചെയ്ത റോഡാണിതെന്നും ഏപ്രിലില്‍ ആരംഭിച്ച വാര്‍ഷിക പദ്ധതിയില്‍ രണ്ടു ലക്ഷം രൂപ വകയിരുത്തിയിട്ടുണ്ടെന്നും നഗരസഭാ കൗണ്‍സിലറും ഉപാധ്യക്ഷയുമായ ഹരീദാ മോയിന്‍കുട്ടി അറിയിച്ചു.