തേഞ്ഞിപ്പലം: 'വിശ്വ ശാന്തിക്ക് മതവിദ്യ' എന്ന പ്രമേയത്തില്‍ ഡിസംബര്‍ 27, 28, 29 തിയതികളില്‍ കൊല്ലത്ത് നടക്കുന്ന സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ അറുപതാം വാര്‍ഷിക മഹാ സമ്മേളനത്തിന്റെ പ്രചാരണ ഭാഗമായി സമസ്ത തെക്കന്‍ മേഖലാ കണ്‍വന്‍ഷന്‍ 31ന് രാവിലെ 10ന് കൊല്ലം ബൈപാസില്‍ അയത്തില്‍ റോയല്‍ ഓഡിറ്റോറിയത്തില്‍ നടക്കും.

തിരുവനന്തപുരം, കൊല്ലം, കോട്ടയം, പത്തനംതിട്ട, ആലപ്പുഴ, എറണാകുളം ജില്ലകളിലെ മദ്‌റസ മുഅല്ലിംകള്‍, സമസ്തയുടെ മുഴുവന്‍ കീഴ്ഘടകങ്ങളുടെയും ജില്ലാ, മണ്ഡലം, മേഖല, റെയ്ഞ്ച്, മദ്‌റസ, മഹല്ല് ഭാരവാഹികള്‍ എന്നിവര്‍ പങ്കെടുക്കും. സംഗമത്തില്‍ സമ്മേളന നടത്തിപ്പിനുള്ള സ്വാഗതസംഘം രൂപീകരിക്കും. സമസ്ത കേന്ദ്ര മുശാവറ അംഗം എം.എം മുഹ്‌യിദ്ദീന്‍ മുസ്‌ലിയാര്‍ ആലുവയുടെ അധ്യക്ഷതയില്‍ പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. ജംഇയ്യത്തുല്‍ മുഅല്ലിമീന്‍ സംസ്ഥാന ജനറല്‍ സെക്രട്ടറി ഡോ. ബഹാഉദ്ദീന്‍ മുഹമ്മദ് നദ്‌വി മുഖ്യപ്രഭാഷണം നടത്തും.

വാക്കോട് മൊയ്തീന്‍കുട്ടി ഫൈസി, എം.എം നൗഷാദ് ബാഖവി ചിറയിന്‍കീഴ്, അഹ്മദ് കബീര്‍ ബാഖവി കാഞ്ഞാര്‍, അബൂഷമ്മാസ് മൗലവി, സിറാജുദ്ദീന്‍ ഖാസിമി, യൂനുസ് കുഞ്ഞ്, അഡ്വ. ഷാനവാസ്, ഖാന്‍ അന്‍സാ കൊല്ലം, അഡ്വ. സുല്‍ഫിക്കര്‍ സലാം, സയ്യിദ് മുഹ്‌സിന്‍ കോയ തങ്ങള്‍, എം.എ ചേളാരി, കൊടക് അബ്ദുറഹ്മാന്‍ മുസ്‌ലിയാര്‍, ഹംസ റഹ്മാനി കൊണ്ടിപറമ്പ്, കെ.കെ ഇബ്രാഹിം മുസ്‌ലിയാര്‍, പുറങ്ങ് മൊയ്തീന്‍ മുസ്‌ലിയാര്‍, കെ.ടി ഹുസൈന്‍കുട്ടി മൗലവി, പി. ഹസൈനാര്‍ ഫൈസി, പി.കെ അബ്ദുല്‍ ഖാദിര്‍ ഖാസിമി, സി. മുഹമ്മദ് ഫൈസി, ഷാജഹാന്‍ അമാനി സംബന്ധിക്കും.