വടക്കാഞ്ചേരി: അട്ടപ്പാടി അഗളി മേഖലയില്‍ എഴുപേരെ കൊലപ്പെടുത്തിയ കൊമ്പനെ ഒടുവില്‍ വനപാലകര്‍ മയക്കുവെടി വച്ച് തളച്ചു.
തുടര്‍ന്ന് നല്ലനടപ്പിനായി റോഡുമാര്‍ഗം മലയാറ്റൂര്‍ കോടനാട്ടുള്ള വനംവകുപ്പിന്റെ ആന വളര്‍ത്തല്‍ കേന്ദ്രത്തിലെത്തിച്ചു.
വനംവകുപ്പിന്റെ ലോറിയില്‍ സുരക്ഷാ ക്രമീകരണങ്ങളൊരുക്കിയാണ് കോടനാട്ടെത്തിച്ചത്. കലാമണ്ഡലത്തിനുസമീപത്തുവച്ച് ആനയെ കുളിപ്പിച്ചപ്പോള്‍ നിരവധിപേരാണ് തടിച്ചുകൂടിയത്. യാത്രയ്ക്കിടെ അത്താണിയില്‍ ആനയെ കൊണ്ടുപോകുന്ന സംഘത്തിന്റെ വാഹനം തകരാറിലായിരുന്നു. കോടനാട്ടെത്തിച്ച ആനയെ കൂട്ടിലേക്ക് മാറ്റി. സ്വഭാവ മാറ്റത്തിനായി സാധ്യമായ പരിശീലനം നല്‍കുമെന്ന് ഉദ്യോഗസ്ഥര്‍ പറഞ്ഞു.