ന്യൂഡല്‍ഹി: ഏറ്റവും മികച്ച അടിസ്ഥാനസൗകര്യ വികസനം, ഫാക്കല്‍റ്റി ശേഷി എന്നിവയ്ക്കുള്ള ഇന്റഗ്രേറ്റഡ് ചേംബേഴ്‌സ് ഓഫ് കൊമേഴ്‌സ് ആന്‍ഡ് ഇന്‍ഡസ്ട്രി (ഐ.സി.സി.ഐ) ഏര്‍പ്പെടുത്തിയ 2019ലെ നാഷനല്‍ ലീഡര്‍ഷിപ് എക്‌സലന്‍സ് ആന്‍ഡ് ഇന്നവേഷന്‍ അവാര്‍ഡ് മലപ്പുറം പെരിന്തല്‍മണ്ണയിലെ എം.ഇ.എ എന്‍ജിനീയറിങ് കോളജിന്.
ഡല്‍ഹി ഇന്ത്യാ ഇന്റര്‍നാഷനല്‍ സെന്ററില്‍ നടന്ന ചടങ്ങില്‍ ജന. സെക്രട്ടറി പാണക്കാട് സയ്യിദ് സാദിഖലി ശിഹാബ് തങ്ങളും വൈസ് പ്രിന്‍സിപ്പല്‍ പ്രൊഫ. ഹനീഷ് ബാബുവും ചേര്‍ന്ന് അവാര്‍ഡ് ഏറ്റുവാങ്ങി.
എം.പിമാരായ ഡോ. അരുണ്‍ കുമാര്‍, രാം കുമാര്‍ ശര്‍മ എന്നിവരാണ് അവാര്‍ഡ് നല്‍കിയത്. ഐ.സി.സി.ഐ ഡയരക്ടര്‍ ജനറല്‍ കമലേന്ദു ബാലി, ഐ.ഇ.സി യൂനിവേഴ്‌സിറ്റി വൈസ് ചാന്‍സലര്‍ പ്രൊഫ. അഭയ് കുമാര്‍ സംബന്ധിച്ചു.
മലപ്പുറം ജില്ലയില്‍ എന്‍.എ.എ.സി അക്രെഡിറ്റേഷന്‍ നേടിയ ഏക എന്‍ജിനീയറിങ് കോളജ് കൂടിയാണ് എം.ഇ.എ. സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡിന്റെയും പട്ടിക്കാട് ജാമിഅ നൂരിയ്യ അറബി കോളജിന്റെയും നേതൃത്വത്തിലാണ് കോളജ്.