കാടാച്ചിറ: ചാലയില്‍ അപകടാവസ്ഥയിലായി പൊതുകിണര്‍. മീന്‍ മാര്‍ക്കറ്റിന് സമീപമുള്ള കിണറാണ് അപകടാവസ്ഥയിലായത്. കിണറിന്റെ ആള്‍മറയുടെ തൂണ്‍ പൊട്ടിയ നിലയിലാണ്. മുകള്‍ ഭാഗത്ത് കപ്പി കൊളുത്തിയിടാനുള്ള ഇരുമ്പുപൈപ്പ് തകര്‍ന്നു. കപ്പി കൊളുത്തിയിടാന്‍ കഴിയാത്തതിനാല്‍ കയറില്‍ കെട്ടിയ തൊട്ടിയിറക്കി കൈ കൊണ്ട് വലിച്ചാണ് ആവശ്യക്കാര്‍ വെള്ളമെടുക്കുന്നത്. കച്ചവട സ്ഥാപനങ്ങളിലേക്കും ഇതരസംസ്ഥാനസംസ്ഥാന തൊഴിലാളികള്‍ താമസിക്കുന്ന ക്വാര്‍ട്ടേഴ്‌സുകളിലേക്കും ഇവിടെ നിന്നുമാണ് വെള്ളമെടുക്കുന്നത്. കിണറിന്റെ അറ്റകുറ്റപ്പണി നടത്തി കിണര്‍ ഉപയോഗയോഗ്യമാക്കണമെന്നാണ് നാട്ടുകാരുടെ ആവശ്യം.