മംഗളൂരു: വി.ജി സിദ്ധാര്‍ത്ഥയുടെ ആത്മഹത്യയെത്തുടര്‍ന്ന് ഒഴിവുവന്ന കഫേ കോഫി ഡേ (സി.സി.ഡി) മേധാവിയായി എസ്.വി രംഗനാഥിനെ നിയമിച്ചു. ഇന്നലെ ചേര്‍ന്ന സി.സി.ഡി ഡയറക്ടര്‍ ബോര്‍ഡ് യോഗത്തിലാണ് തീരുമാനം. സിറില്‍ അമര്‍ചന്ദ് മംഗള്‍ദാസ് ആണ് പുതിയ നിയമോപദേശകന്‍. നിക്ഷേപകരുടെയും ജീവനക്കാരുടെയും ഉപഭോക്താക്കളുടെയും താല്‍പ്പര്യങ്ങള്‍ സംരക്ഷിക്കുമെന്ന് യോഗശേഷം ബോര്‍ഡ് പ്രസ്താവനയില്‍ പറഞ്ഞു. കഴിഞ്ഞദിവസം പുഴയില്‍ ചാടിയ കഫേ കോഫി ഡേ സ്ഥാപകനും ബി.ജെ.പി നേതാവ് എസ്.എം കൃഷ്ണയുടെ മരുമകനുമായ വി.ജി സിദ്ധാര്‍ത്ഥയുടെ മൃതദേഹം ഇന്നലെ രാവിലെ കണ്ടെത്തുകയും വൈകീട്ടോടെ സംസ്‌കരിക്കുകയും ചെയ്തിരുന്നു.